सातारा : शाहूपुरी पोलिसांनी जुगार प्रकरणी पाच जणांवर गुन्हा दाखल केला आहे.

याबाबत पोलिसांनी दिलेली माहिती अशी, दि. 21 रोजी दुपारी दीड वाजण्याच्या सुमारास सातारा शहरातील समर्थ मंदिर चौक येथे असणाऱ्या नवग्रह मंदिराच्या लगत असलेल्या पान टपरीच्या आडोशास अमित विष्णू नलवडे रा. मंगळवार पेठ, सातारा आणि शुभम महेंद्र गंगावणे रा. करंडी, ता. सातारा हे जुगार घेताना आढळून आले. तसेच रवींद्र पांडुरंग कुलकर्णी रा. मंगळवार पेठ सातारा, प्रकाश नथुराम देवरुखे रा. साखरवाडी ता. सातारा आणि ललित बाळासाहेब रसाळ रा. यादोगोपाळ पेठ, सातारा हे जुगार खेळताना आढळून आले. त्यांच्याकडून 87 हजार 879 रुपयांची रोख रक्कम जुगाराचे साहित्य, मोबाईल हँडसेट व मोटरसायकल हस्तगत करण्यात आली आहे. अधिक तपास पोलीस नाईक साबळे करीत आहेत.