सातारा : ऊस तोडीच्या आमिषाने सुमारे साडेपाच लाखांची फसवणूक केल्याप्रकरणी एका विरोधात सातारा शहर पोलीस ठाण्यात गुन्हा दाखल करण्यात आला आहे. याबाबत पोलिसांनी दिलेली माहिती अशी, दि. 7 ऑगस्ट 2024 रोजी पवन प्रभाकर राठोड रा. अथवर्ण पिंपरी, ता. जि. बीड याने ऊस तोडणी साठी माणसे देवून ट्रॅक्टर मार्फत ऊस नेण्याचे आश्वासन देऊन शरद महादेव जाधव रा. सोनगाव तर्फ सातारा यांच्याकडून 5 लाख 60 हजार रुपये घेतले. यानंतर त्याने कोणतीही माणसे वा ट्रॅक्टर न पाठवता शरद जाधव यांची फसवणूक केली आहे. अधिक तपास पोलीस हवालदार खाडे करीत आहेत.