सातारा : 10 रुपयांची मागणी केल्यानंतर पैसे नसल्याचे सांगताच चिडून जावून सत्तूराने मारहाण केल्याप्रकरणी शाहूपुरी पोलिस अज्ञातावर गुन्हा दाखल झाला आहे. दरम्यान, एकाच व्यक्तीने दोघांवर असे वेगवेगळे हल्ले केले आहेत.

याबाबत पोलिसांनी दिलेली माहिती अशी, सेव्हन स्टार परिसरात जांब, तालुका कोरेगाव येथील एकावर सत्तूरने वार केल्याची घटना दिनांक 26 रोजी रात्री पावणे दहाच्या दरम्यान घडली. संदीप अंकुश निकम वय 44 व्यवसाय शेती, राहणार जांब, तालुका कोरेगाव यांनी शाहूपुरी पोलीस ठाण्यात फिर्याद दिली आहे.

सेव्हन स्टार हॉटेल समोरील राधिका भाजी मंडई जवळ एका अनोळखी इसमाने निकम यांना दहा रुपयाची मागणी केली. निकम यांनी त्याला नकार दिला. त्यावेळी अज्ञात इसमाने त्याच्या जवळील सत्तूर सारख्या हत्याराने त्यांच्या छातीवर तसेच डाव्या हातावर वार केला. याशिवाय सागर उत्तेकर वय 49 राहणार पिरवाडी यांच्या मनगटावर सत्तूरने वार केला. यामध्ये ते दोघे जखमी झालेले आहेत. पोलीस हवालदार भिंगारदिवे अधिक तपास करत आहेत.