08:55pm | Feb 16, 2021 |
वाई : येथील यशवंतनगर परिसरातील शिंदे कनिष्ठ महाविद्यालया नजीकच्या नंदनवन कॉलनीतील विष्णू श्री स्मृती बंगल्यात छापा टाकत गांजा लागवड करणार्या दोन सराईत जर्मन तरुणांना पोलीसांनी अटक केली. त्यांच्याकडून सुमारे 29 किलो गांजा व इतर साहित्य असा 8 लाख 21 हजार रुपयांचा मुद्देमाल जप्त केला आहे. याची बाजारपेठेतील किंम्मत आणखी जास्त असण्याची शक्यता नाकारता येत नाही. जिल्हा विषेश शाखा, जिल्हा पोलीस व वाई पोलीसांच्यावतीने ही कारवाई करण्यात आली. सर्गीस व्हीक्टर मानका (वय 31) व सेबेस्टियन स्टेनमुलर (वय 25) अशी ताब्यात घेण्यात आलेल्या जर्मन संशयीतांची नावे आहेत.
याबाबत पोलीस ठाण्यातून मिळालेली माहिती अशी की, जिल्हा विशेष पथकास सोमवार दि. 15 रोजी वाईत दोन परदेशी नागरिक व्हीसा व पासपोर्ट शिवाय राहत असल्याची गोपनीय खबर मिळाली होती. त्यांनी याबाबत वरिष्ठांना कल्पना दिल्यानंतर पोलिस अधीक्षक अजय कुमार बन्सल यांनी याबाबत खात्री करण्यास सांगितले. त्यानुसार विशेष पथक यांनी पोलीस निरीक्षक आनंदराव खोबरे व टिमच्या सहकार्याने नंदनवन कॉलनीतील विष्णू श्री स्मृती बंगल्यावर छापा टाकला.
यावेळी पासपोर्ट व व्हीसाबाबत समाधानकारक उत्तरे न दिल्याने पोलीसांनी घरात प्रवेश करून घरात शोधाशोध सुरू केली. त्यावेळी गांजा सदृष्य वनस्पतीची झाडे व इतर साहित्य त्यांना दिसून आले. तदनंतर सदर प्रकरणाचे गांभीर्य लक्षात घेवून स्वतः पोलिस अधीक्षक अजय कुमार बन्सल, अप्पर पोलीस उपअधीक्षक धीरज पाटील, ग्रामीणचे पोलीस उपअधिक्षक गणेश किंर्दे यांनी घटनास्थळी धाव घेतली. यावेळी गांजासह इतरही काही अन्य झाडे आढळून आल्याने व गांजापासून अन्य पदार्थ बनविण्यात येत असल्याचा संशय आल्याने पोलीसांनी न्याय सहाय्यक प्रादेशीक वैज्ञानीक प्रयोगशाळा पुणे यांना पाचारण केले.
मंगळवार दि. 16 रोजी सकाळच्या सुमारास हे पथक वाईत हजर झाल्यानंतर पोलीस फौजफाटयासह घटनास्थळी दाखल झाले. यावेळी घराच्या तळमजल्यावरील खोलीत, पहिल्या मजल्यावरील खोलीत व टेरेसवरही सुमारे 300 ते 400 गांजाची झाडे आढळून आली. गांजा उत्पादनासाठी लागणारे कोकोपीट, फ्लॉवर, पॉली हाऊस, थर्मामीटर, टयूब पॅनेल, इन्व्हरर्टर, बुलेट व केटीएम मोटारसायकल, तीन लॅपटॉप व तीन मोबाईल असा व 29 किलो गांजा असा सुमारे 8 लाख 21 हजार रुपयांचा मुद्देमाल पोलीसांनी जप्त केला.
या जर्मन नागरिकांवर गोव्यामध्ये अंमली पदार्थ विरोधी कायद्या अन्वये यापूर्वीही गुन्हे दाखल आहेत. त्या गुन्ह्यामध्ये ते जामिनावर सुटले आहेत. तसेच हा बंगला विनोद वरखडे यांच्या मालकीचा असून त्यांनी हा बंगला एका स्थानीकास भाडयाने दिला होता. स्थानीकाने हा बंगला परदेशी नागरिकांना भाडयाने दिल्याचे व गेली दोन वर्षे हे नागरिक येथे वास्तव्य करीत आहेत. तसेच लॉकडाऊनच्या काळात दोन महिलांचेही वास्तव्य येथे असल्याचे बोलले जात आहे. इतक्या मोठया प्रमाणावर गांजा उत्पादन कशासाठी केले जात होते. ही आंतरराज्यीय टोळी तर नाही ना? गांजाचा माल इतर कोणत्या ठिकाणी विकला जात होता काय? या प्रकरणात काही स्थानीक मदतनीस होते का? घरमालकाला या प्रकरणात अंधारात ठेवून परदेशीय नागरिकांना बंगला भाडयाने देणारा नक्की कोण? याचा तपास पोलीस यंत्रणा घेत असून काल सायंकाळ पासून जिल्हा पोलीस दलाचे अधिकारी वाईत तळ ठोकून आहेत.
या कारवाईत पोलिस अधीक्षक अजय कुमार बन्सल यांच्या मार्गदर्शनाखाली अप्पर पोलीस अधीक्षक धीरज पाटील, ग्रामीण पोलीस उपअधिक्षक गणेश किंद्रे, पोलीस निरीक्षक आनंराव खोबरे, फॉरेंसिक लॅबचे अधिकारी, पोलीस उपनिरीक्षक रविंद्र तेलतुंबडे, प्रतापराव भोसले, कृष्णा पवार, सोमनाथ बल्लाळ, किरण निंबाळकर, श्रावन राठोड, विजय शिर्के, अक्षय नेवसे, महेश पवार, बापूराव मदने, नंदकुमार महाडीक आदींनी सहभाग घेतला.
सातारा जिल्ह्यात तब्बल पन्नास हजार नवमतदार |
स्व. यशवंतराव चव्हाण यांना भारतरत्न देण्याची मागणी पंतप्रधान मोदींकडे करणार |
कराड तालुक्याच्या विकासासाठी एकत्र प्रयत्न करूया: खा. उदयनराजे भोसले |
खोऱ्याने मते घेणाऱ्या नेत्यांनी केले पाटण खोऱ्याकडे दुर्लक्ष |
सातारा जिल्ह्यातील दोन पोलिस अधिकाऱ्यांसह ११ जणांना महासंचालक सन्मानचिन्ह जाहीर |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
सांगलीच्या सिंचनासाठी मागणी झाली कमी |
पोटात चाकू भोसकून एकाला जिवे मारण्याचा प्रयत्न |
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |