सातारा : औंध, ता. खटाव पोलीस ठाण्यात विनयभंग आणि दुखापत अशा परस्परविरोधी तक्रारी दाखल करण्यात आल्या आहेत.
याबाबत पोलिसांनी दिलेली माहिती अशी, तुम्ही सकाळपासून घरावर पाणी मारत आहात, मला आता पाणी मारण्यास द्या, असे म्हटल्यावरुन तेथीलच एका महिलेला धनाजी बळीराम कदम (वय 52, रा. गोरेगाव वांगी, ता. खटाव) यांनी बांधकामाची काठी हातात घेवून मी तुम्हाला पाणी मारुन देणार नाही, असे म्हणत तिला काठीने मारहाण केली. तसेच शिवीगाळ, दमदाटी करीत तुला जिवंत ठेवत नाही, असे म्हणत तिच्या मनास लज्जा उत्पन्न होईल, असे वर्तन केले.
दरम्यान, धनाजी बळीराम कदम यांनी दाखल केलेल्या परस्परविरोधी तक्रारीत म्हटले आहे की, मी घराच्या बांधकामावर पाणी मारीत असताना संबंधित महिलेने माझ्या हातातील पाण्याची पाईप ओढून, खाली पाडून मला दांडक्याने मारहाण केली. संबंधित महिलेच्या पतीने दगडाने मारहाण केली.