सातारा : त्रिपुटी येथे अज्ञात चोरट्याने सुमारे साडेसात लाख रुपयांच्या दागिन्यांसह रोख रकमेची चोरी  केल्याची फिर्याद कोरेगाव पोलीस ठाण्यात नोंदविण्यात आली आहे.
याबाबत पोलिसांनी दिलेली माहिती अशी, दि. 26 ऑगस्ट 2022 रोजी रात्री साडेआठ वाजण्याच्या सुमारास श्रीमती रंजना विजयसिंह उथळे राहणार त्रिपुटी तालुका कोरेगाव यांच्या राहत्या घरातून त्यांचा पुतण्या विकास जयसिंग उथळे रा. शनिवार पेठ, सातारा याने रंजना उथळे यांच्या घरातील सुमारे 6 लाख 96 हजार रुपये किमतीचे बारा तोळे वजनाचे सोन्याचे दागिने आणि 25 हजार रुपये रोख रक्कम अशा एकूण सात लाख 56 हजार रुपयांच्या मुद्देमालाची चोरी केली आहे. याबाबतची फिर्याद कोरेगाव पोलीस ठाण्यात नोंदविण्यात आली असून अधिक तपास पोलीस नाईक साळुंखे करीत आहेत.