RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

गोळी झाडून घेऊन पोलिसाची आत्महत्या

02 July 2019 at 16:27

सुनील पाटील वीजनिर्मिती केंद्राच्या चौथा टप्पा येथील ईव्हीटी गार्ड येथे सुरक्षेसाठी होते तैनात

चिपळूण : तालुक्यातील पोफळी येथील वीजनिर्मिती केंद्राच्या चौथा टप्पा येथे सुरक्षेसाठी तैनात असलेल्या एका पोलिस कॉन्स्टेबलने मानेमध्ये गोळी झाडून आत्महत्या केली आहे. या घटनेमुळे पोफळी वीज निर्मिती केंद्रात खळबळ उडाली आहे. सुनील पाटील (32) असे या पोलिस कर्मचार्‍याचे नाव असून तो मूळचा सातारा येथील आहे. ही घटना सोमवारी (दि. 1) दुपारी घडल्याचे सांगण्यात येत आहे. 

याबाबत मिळालेल्या माहितीनुसार, सुनील पाटील हे चौथा टप्पा येथील ईव्हीटी गार्ड येथे सुरक्षेसाठी तैनात होते. दुपारच्या सुमारास त्यांच्या ताब्यातील बंदुकीच्या साहाय्याने मानेमध्ये गोळी झाडून त्यांनी आत्महत्या केली. या आत्महत्येचे कारण मात्र अद्याप स्पष्ट झालेले नाही. सोमवारी सायंकाळी ही घटना उघडकीस आली. यामुळे कोयना वीज प्रकल्प परिसरात खळबळ निर्माण झाली आहे. याबाबत तर्कवितर्क सुरू असून अद्याप आत्महत्येचे कारण समजू शकले नाही. घटनेचे वृत्त समजताच शिरगाव पोलिस ठाण्याचे सहाय्यक पोलिस निरीक्षक बडेसाहब नायकवडी यांनी घटनास्थळी धाव घेतली. तसेच उपविभागीय पोलिस अधिकारी सूरज गुरव यांनीदेखील घटनास्थळी जाऊन पाहणी केली. या घटनेचा पंचनामा पोलिसांनी करून मृतदेह विच्छेदनासाठी रुग्णालयात पाठविण्यात आला आहे.

शिवशाहीर बाबासाहेब पुरंदरे यांच्या पत्नी निर्मलाताई यांचे निधन

शिवशाहीर बाबासाहेब पुरंदरे यांच्या पत्नी ज्येष्ठ सामाजिक कार्यकर्त्या निर्मलाताई पुरंदरे यांचे (वय-८६) आज (शनिवारी) प्रदीर्घ आजाराने निधन झाले.

21 July 2019 at 02:45

ट्रक-कारच्या भीषण अपघातात ९ ठार

लोनी काळभोर वाक वस्ती येथे पुणे-सोलापूर मार्गावर ट्रक आणि कारचा भीषण अपघात झाला. या भीषण अपघातात कारमधील ९ महाविद्यालयीन तरुणांचा जागीच मृत्यू झाला. पहाटे दोन वाजण्याच्या सुमारास ही घटना घडली. कारमधील प्रवासी हे यवत येथील रहिवासी होते.

20 July 2019 at 15:44

मुंबईतील डोंगरीमध्ये इमारतीचा अर्धा भाग कोसळला, 12 जणांचा मृत्यू

मुंबईतील डोंगरी भागातील कौसर बाग नावाच्या चार मजली इमारतीचा अर्धा भाग कोसळला आहे. या दुर्घटनेत 40 ते 45 लोक अडकल्याची भीती व्यक्त होत आहे. अग्निशमन दल घटनास्थळी दाखल झालं असून एनडीआरएफच्या पथकालाही पाचारण करण्यात आलं आहे.

16 July 2019 at 16:49

दलित पँथरचे संस्थापक राजा ढाले यांचे निधन

दलित पँथर चे संस्थापक, आंबेडकरी चळवळीचे भाष्यकार, ज्येष्ठ विचारवंत नेते राजा ढाले यांचे निधन झाले. आज, मंगळवार (दि १६) सकाळी विक्रोळी येथील निवासस्थानी त्याची प्राणज्योत मालवली. राजा ढाले यांच्या निधनाने आंबेडकरी चळवळीवर दुःखाचा डोंगर कोसळला.

16 July 2019 at 14:25