03:44pm | Dec 03, 2020 |
कराड : कृष्णा हॉस्पिटलमध्ये एका 25 वर्षीय युवतीच्या हृदयातील अंतरपडद्यावर असणारे मोठे छिद्र एएसडी क्लोजर डिव्हाईस या आधुनिक तंत्राने बंद करण्याची शस्त्रक्रिया नुकतीच यशस्वीपणे पार पडली. केवळ पुण्या-मुंबईतच अशाप्रकारची होणारी ही शस्त्रक्रिया कृष्णा हॉस्पिटलमध्ये उपलब्ध झाली असून, ही शस्त्रक्रिया यशस्वी करणारे हृदयरोग तज्ज्ञ डॉ. विजयसिंह पाटील यांचे व कृष्णा हॉस्पिटलचे सर्व स्तरातून अभिनंदन होत आहे.
या शस्त्रक्रियेबाबत सविस्तर माहिती देताना हृदयरोग तज्ज्ञ डॉ. विजयसिंह पाटील यांनी सांगितले, मानवी हृदय हे त्यामध्ये असणार्या उभ्या-आडव्या अंतरपडद्यामुळे चार कप्प्यात विभागलेले असते. यापैकी डाव्या बाजूच्या कप्यामधून शुद्ध रक्त वाहत असते, जे शरीराच्या सर्व भागात पुरविले जाते. तर उजव्या बाजूच्या कप्प्यामध्ये अशुद्ध रक्त वाहत असते, जे शुद्धीकरणासाठी फुफ्फुसांना पोहोचविले जाते. परंतु काही व्यक्तींच्या हृदयातील अंतरपडद्यांना जन्मजात छिद्र असते. त्यामुळे शुद्ध व अशुद्ध रक्त एकमेकांत मिसळून जाते. त्यामुळे अशा व्यक्तींमध्ये शरीराला भेसळयुक्त शुद्ध-अशुद्ध रक्ताचा पुरवठा केला जातो. वैद्यकीय भाषेत या छिद्रांना एएसडी, व्हीएसडी आणि पीडीए अशी नावे आहेत. अशा व्यक्तींना दम लागणे, वारंवार जंतुसंसर्ग होणे, मेंदुची व शरीराची वाढ कमी होणे आदी समस्या उद्भवतात. वेळीच उपचार न केल्यास अशा व्यक्तींच्या जीवावर सुद्धा बेतू शकते. अशा जन्मजात दोष असणार्या व्यक्तींवर पूर्वी गुंतागुंतीची, किचकट व खर्चिक असणारी हृदयशस्त्रक्रिया ओपन हार्ट सर्जरी ही एकमेव उपचार पद्धती केली जात असे. परंतु आता मात्र प्रगत तंत्रज्ञानाच्या सहाय्याने क्लोजर डिव्हाईस ही नवीन अत्याधुनिक शस्त्रक्रिया पद्धती विकसित झाली आहे. या पद्धतीमध्ये ओपन हार्ट सर्जरी टाळून ज्याप्रमाणे ऍन्जिओग्राफी अथवा ऍन्जिओप्लास्टी केली जाते, त्याच धर्तीवर शरीरावर कोणताही मोठा छेद न करता, आधुनिक तंत्रज्ञानाच्या सहाय्याने काही मिनिटांतच एक विशिष्ट प्रकारची कृत्रिम छत्री अथवा चकती वापरून हृदयाच्या अंतरपडद्यावरील छिद्र बंद केले जाते. डिव्हाईस क्लोजर ही पद्धती 21 व्या शतकातील आधुनिक तंत्रज्ञानाने वैद्यकशास्त्राला दिलेली एक अमूल्य अशी देणगी म्हटली पाहिजे.
शिरवळ येथील अशाच एका 25 वर्षीय युवतीच्या हृदयातील अंतरपडद्यामध्ये 36 मिमी एवढ्या मोठ्या आकाराचे छिद्र जन्मापासून होते. तिला त्रास जाणवू लागल्याने पुण्यातील अनेक तज्ज्ञ डॉक्टरांनी तिला ओपन हार्ट सर्जरी करण्याचा सल्ला दिला होता. शस्त्रक्रियेनंतर छातीवर कायम व्रण राहतो. याचा विचार करून शस्त्रक्रिया करण्याचा निर्णय युवतीने व तिच्या पालकांनी लांबणीवर टाकला. अशातच युवतीचा त्रास वाढत गेला. दरम्यान, या युवतीच्या पालकांना मुंबईस्थित एका डॉक्टरांनी कृष्णा हॉस्पिटलमध्ये एसडी क्लोजर डिव्हाईस शस्त्रक्रिया करण्याचा सल्ला दिला.
त्यानुसार या अत्याधुनिक प्रणालीच्या शस्त्रक्रियेत पारंगत असणारे कृष्णा हॉस्पिटलमधील हृदयरोग तज्ज्ञ डॉ. विजयसिंह पाटील यांनी हॉस्पिटलचे वैद्यकीय संचालक डॉ. ए. वाय. क्षीरसागर यांच्याशी चर्चा करून हे आव्हान स्वीकारले. त्यानुसार पेशंटला भूल न देता ही शस्त्रक्रिया अवघ्या 30 मिनिटांच्या कालावधीत यशस्वी केली. दुसर्याच दिवशी पेशंटला डिस्चार्ज मिळाला.
ठोसेघर येथे एकाचा डोक्यात दगड घालून निर्घृण खून |
उंच भरारी योजनेचे ब्रँन्ड ऍम्बेसिडर म्हणून मोनिका राठी तसेच सौरभ भोसले यांची निवड |
केट्स पॉईंट वरुन आत्महत्त्या केलेल्याचा मृतदेह दरीबाहेर काढण्यात यश |
शेंद्रे येथील तिहेरी अपघात प्रकरणी तिघांवर गुन्हा |
सुमारे अडीच लाखांच्या बांधकाम साहित्याची चोरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
एकास मारहाण केल्याप्रकरणी पाच जणांवर गुन्हा |
सातार्यातून युवक बेपत्ता |
नागठाण्यात युवकाची आत्महत्या |
उदयनराजे यांना मतदान करून गादीचा सन्मान ठेवा |
जपानचे स्लिम लँडर तिसऱ्यांदा जागृत |
कोल्हापुरातील अंबाबाईच्या रथोत्सव |
छत्रपतींच्या वंशजांना जावळीचा स्वाभिमान सांगू नका |
माझ्याकडे विरोधकांच्या अनेक भानगडी |
महाभकास आघाडीला निवडणुकीत जागा दाखवा |
साताऱ्यात मेघगर्जनेसह बरसल्या पावसाच्या सरी |
जनता बँकेत पुर्नगठीत बोर्ड ऑफ मॅनेजमेंटच्या चेअरमनपदी विनोद कुलकर्णी |
बोंडारवाडीसह धरणांची कामे मार्गी लावणार उदयनराजेंचे आश्वासन |
दलित महासंघ,पॅंथरचा उदयनराजेंना जाहीर पाठींबा |
सातारकरांना बाहेरच्यांनी स्वाभिमान शिकवू नये |
साताऱ्यात कोट्यावधीची कामे हीच आपली जमेची बाजू |