सातारा : सैदापुरात अज्ञात चोरट्याने घरफोडी करुन सुमारे 65 हजारांची रोख रक्कम व सोने-चांदीचे दागिने लंपास केले आहेत.
याबाबत पोलिसांनी दिलेली माहिती अशी, नामदेव धावजी राठोड (रा.सैदापूर पो.कोंडवे ता.सातारा) यांनी घरफोडी झाल्याप्रकरणी पोलिस ठाण्यात अज्ञाताविरुध्द तक्रार दिली आहे. ही घटना दि. 6 जून रोजी घडली असून संशयितांनी घरातून 65 हजारांची रोख रक्कम व सोने-चांदीचे दागिने चोरुन नेले आहेत.