सातारा : कराड, ता. कराड येथील एका मंदिराच्या दरवाजाचा कडी कोयंडा तोडून अज्ञात चोरट्यांनी 1 लाख 30 हजारांचा मुद्देमाल चोरुन नेल्याची तक्रार कराड शहर पोलीस ठाण्यात दाखल झाली आहे.
याबाबत पोलिसांनी दिलेली माहिती अशी, दि. 28 जून रोजी दुपारी एक ते दीड वा. दरम्यान कराड येथील बुधवार पेठेत असणार्‍या संभवनाथ जैन मंदिराच्या कार्यालयाच्या दरवाजाचा कडी कोयंडा तोडून अज्ञात चोरट्यांनी आत प्रवेश केला. त्यानंतर टेबलच्या ड्रॉव्हरच्या लॉकरमध्ये ठेवलेली 1 लाख 15 हजार रुपयांची रक्कम, 15 हजार रुपये किंमतीचा डिव्हीआर असा एकूण 1 लाख 30 हजारांचा मुद्देमाल चोरुन नेल्याची तक्रार दीपक वाडिलाल शहा (रा. शनिवार पेठ, कराड) यांनी कराड शहर पोलीस ठाण्यात दिली आहे. उपविभागीय पोलीस अधिकारी रणजित पाटील यांनी घटनास्थळाला भेट दिली. तपास एपीआय बाबर करीत आहेत.