सातारा : पारगाव, ता. खंडाळा गावच्या हद्दीत पुणे- बेंगलोर राष्ट्रीय महामार्गालगत ट्रकमधून अज्ञात चोरट्यांनी 18 लाख रुपयांच्या किंमतीची वेलची लंपास केल्यामुळे वाहन चालकांमध्ये एकच खळबळ उडाली आहे. दरम्यान, अज्ञात चोरट्यांविरोधात खंडाळा पोलीस ठाण्यात गुन्हा दाखल झाला आहे.
याबाबत पोलिसांनी दिलेली माहिती अशी, दि. 7 सप्टेंबर 2020 रोजी 3.30 ते 8 सप्टेंबर 2020 रोजी 8.42 वा. सुमारास पारगाव, ता. खंडाळा गावच्या हद्दीत पुणे- बेंगलोर राष्ट्रीय माहामार्गावर चहाच्या टपरी लगत नागेश पुटटे गवडा (वय 45) रा. यशवंतपुर, बेंगलोर हा ट्रकचालक ट्रकक्रमांक (एम.एच 48 बीएम. 5979) घेवून जात असताना खंबाटकी बोगदा पार करुन ट्रक चहाच्या टपरीजवळ थांबवला असता बेंगलोर ते खंडाळा दरम्यान अज्ञात चोरट्यांनी ट्रकच्या मागील दरवाज्याचे लॉक तोडून 18 लाख रुपये किंमतीच वेलची लंपास केल्याची तक्रार खंडाळा पोलीअ ठाण्यात दाखल झाली आहे. या घटनेमुळे ट्रक चालकांमध्ये खळबळ उडाली असून अज्ञात चोरट्यांवर गुन्हा दाखल झाला आहे.