सातारा : मंगळवारी जिल्ह्यात 248 बाधित निष्पन्न झाले, तर 4 बाधितांचा मृत्यू झाला. तसेच 264 जणांना डिस्चार्ज देण्यात आला असून 289 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
जिल्ह्यात मंगळवारी 4 बाधितांच्या मृत्यूने जिल्ह्यातील एकूण कोरोनाबळींची संख्या 1 हजार 687 वर पोहोचली आहे. तसेच 248 बाधित निष्पन्न झाल्याने एकूण बाधितांचा आकडा 50 हजार 351 वर पोहोचला आहे. दरम्यान, जिल्ह्यातील विविध रुग्णालये, कोरोना केअर सेंटर, डिसीएचसी व सीसीसीमध्ये उपचार घेत असलेल्या 264 नागरिकांना कोरोनातून ठणठणीत बरे झाल्याने डिस्चार्ज देण्यात आल्याने जिल्ह्यातील कोरोनामुक्तांची संख्या 47 हजार 386 वर पोहोचली असून 289 जणांचे नमुने तपासणीसाठी पाठविण्यात आले असल्याची माहिती जिल्हा शल्यचिकित्सक डॉ. सुभाष चव्हाण यांनी दिली.
4 बाधितांचा मृत्यू
क्रांतीसिंह नाना पाटील सर्वसाधारण रुग्णालय, सातारा येथे उपचार घेत असलेल्यांमध्ये वेळे ता. सातारा येथील 57 वर्षीय पुरुष तसेच जिल्ह्यातील विविध खासगी हॉस्पीटलमध्ये वर्णे ता. सातारा येथील 83 वर्षीय पुरुष व 45 वर्षीय महिला, पाडळी ता. सातारा येथील 85 वर्षीय महिला अशा एकूण 4 कोविड बाधितांचा  उपचारादरम्यान मृत्यू झाला आहे, असेही डॉ. चव्हाण यांनी कळविले आहे.
289 जणांचे नमुने पाठविले तपासणीला
स्व. क्रांतीसिंह नाना पाटील सर्वसाधारण रुग्णालय सातारा येथील 9, कराड येथील 13, फलटण येथील 12, कोरेगांव येथील 24, वाई येथील 39, खंडाळा येथील 37, रायगांव येथील 28, पानमळेवाडी येथील 6, महाबळेश्वर येथील 10, दहिवडी येथील 28, खावली येथील 5, पिंपोडे येथील 3 व कृष्णा मेडिकल कॉलेज कराड येथील 75 असे एकूण 289 जणांचे नमुने तपासणीला पाठविण्यात आले आहे, अशी माहितीही जिल्हा शल्यचिकित्सक डॉ. सुभाष चव्हाण यांनी दिली.