पुसेगाव : ललगुण (ता. खटाव) येथील वेताळबा यात्रेनिमित्त शुक्रवार (दि. १३मे) सायं. ५ वाजता जंगी कुस्ती मैदानाचे आयोजन करण्यात आले आहे. प्रथम क्रमांकाची १ लाख ५० हजार रुपये इनामाची कुस्ती भारत केसरी पैलवान सिंकदर शेख विरूध्द पंजाब चॅंपियन भोला पैलवान यांच्यात होणार आहे. 
कुस्ती मैदानसाठी प्रमुख पाहुणे म्हणून राष्ट्रवादी कॉंग्रेसचे युवानेते रोहित आर.आर. पाटील खास उपस्थित रहाणार आहेत. दरम्यान कुस्ती मैदानसाठी खासदार श्रीनिवास पाटील, आमदार अनिल बाबर, आ. शशिकांत शिंदे, प्रभाकर देशमुख, जिल्हा बॅंकेचे अध्यक्ष नितिन पाटील, नवनाथ जगताप, योगेश जगताप, प्रदिप विधाते, नंदकुमार मोरे यासह अनेक सन्मानीय मान्यवर उपस्थित रहाणार आहेत, अशी माहिती वडुज पंचायत समितीचे माजी उपसभापती कैलास घाडगे यांनी दिली.