लाहोर: पाकिस्तानच्या दहशतवादविरोधी कोर्टाने हाफिज सईदला 15 वर्ष सहा महिन्यांची शिक्षा सुनावली आहे. तसेच लाहोरच्या दहशतवादविरोधी न्यायालयाने सईदवर दोन लाख पाकिस्तानी रुपयांचा दंड ठोठावला आहे. हाफिज सईद 26/11 हल्ल्याचा मास्टरमाइंड आणि जमात-उद-दवाचा प्रमुख आहे. 
दरम्यान याआधीच दहशतवादी कारवायांना आर्थिक मदत केल्याप्रकरणी चार विविध प्रकरणात 70 वर्षीय हाफिजला कोर्टाने 21 वर्षांची शिक्षा ठोठावली आहे. कोर्टाच्या एका अधिकार्‍याने सांगितले की, लाहोरच्या दहशतवादविरोधी कोर्टाने जमात-उद-दवाचा प्रमुख हाफिज सईदसह प्रमुख पाच जणांना आणखी एका प्रकरणात दहशतवादाला आर्थिक मदत केल्याप्रकरणी 15 वर्ष सहा महिन्यांची शिक्षा सुनावली आहे. हाफिजला सर्व शिक्षा एकत्र भोगाव्या लागणार आहेत. हाफिजसह हाफिज अब्दुस सलाम, जफर इकबाल, याह्या मुजाहिद आणि मोहम्मद अशरफ यांचा समावेश आहे.