RNI REG.NO. MAHMAR/2014/56135

What are you looking for?

Contact Us

Address:

Email:

Tel:

Sadar Bazar, Satara, Maharashtra 415001

contact@tmnnews.com

02162 237 474

What are you looking for?

×

स्वप्निल शिरतोडेच्या खूनप्रकरणी चौघांना अटक

11 May 2019 at 03:37

कराड : दोन महिन्यापूर्वी विरवडे ता. कराड येथे तमाशावेळी संशयीतांनी केलेल्या मारहाणीत मृत्यू झालेल्या स्वप्निल शिरतोडे या युवकाच्या खूनाच्या गुन्ह्यात शहर पोलिसांनी चार संशयीतांना शुक्रवारी सायंकाळी शिताफीने अटक केली. अक्षय रामचंद्र चव्हाण, रोहित किसन आडके, रोहन भरत आडके (तिघेही रा. तुपारी, ता. पलूस) व सूरज गणेश कोरडे रा. ताकारी, ता. पलूस अशी पोलिसांनी अटक केलेल्या संशयीतांची नावे आहेत. याप्रकरणी पाच संशयीतांवर गुन्हा नोंद झाला होता.

पोलिसांनी दिलेली माहिती अशी, अपघातात जखमी असल्याचे सांगून दोन महिन्यांपूर्वी बाबरमाची ता. कराड येथील स्वप्निल जयवंत शिरतोडे वय २१ या युवकास त्याचा गावातील मित्र विशाल विष्णू शिरतोडे रा. बाबरमाची याने येथील रूग्णालयात दाखल केले होते. दरम्यान, उपचार सुरू असताना दि. ३ मे रोजी रात्री स्वप्निलचा मृत्यू झाला. स्वप्निलला विरवडे गावच्या यात्रेनिमित्त १७ फेब्रुवारी २0१९ रोजी आयोजीत तमाशावेळी जबर मारहाण झाल्याने तो जखमी झाला होता. मात्र संशयीतांच्या भितीमुळे विशाल याने स्वप्निलला रूग्णालयात दाखल करताना तो दुचाकीवरून घसरून पडल्याने जखमी झाल्याचे कारण सांगितले होते. दरम्यान, धाडस दाखवून विशाल याने अखेर घडलेला प्रकार स्वप्निलचे कुटूंबिय व पोलिसांना सांगितला. त्यामुळे पोलिसांनी विशाल याची फिर्याद नोंद करून स्वप्निलच्या खूनप्रकरणी अक्षय चव्हाण याच्यासह ताकारी, तुपारी येथील पाच संशयीतांवर गुन्हा नोंद केला होता.

या गुन्ह्यातील संशयीतांचा पोलिसांकडून गेल्या काही दिवसांपासून कसून शोध घेण्यात येत होता. मात्र संशयीत पोलिसांना गुंगारा देत होते. अखेर शुक्रवारी सायंकाळी कराड शहर पोलिसांनी ताकारी, तुपारी येथे सापळा रचून या गुन्ह्यातील अक्षय चव्हाण, रोहित आडके, रोहन आडके (तिघे रा. तुपारी, ता. पलूस) व सूरज गणेश कोरडे (रा. ताकारी, ता. पलूस) या चार संशयीतांना शिताफीने ताब्यात घेवून अटक केली. याप्रकरणी अन्य एका संशयीतास पोलिसांनी ताब्यात घेतले असून त्याच्याकडेही रात्री उशीरापर्यंत चौकशी सुरू होती. या गुन्ह्याचा तपास सपोनि जोतिराम पाटील करत आहेत.

जावली तालुक्यातील अवैद्य दारू विक्रेत्यांवर मोक्का अंतर्गत कारवाई करावी

गेली ११ वर्ष जावली तालुक्यात सुरु असलेली १३ दारू दुकाने महिलांनी व व्यसनमुक्ती संघटनांनी ऐतिहासिक पाऊल उचलून बंद केली होती.

4 hours before

एकावर पोस्को अंतर्गत गुन्हा

कराड जवळील एका गावात नऊ वर्षीय मुलीवर अत्याचार केल्याप्रकरणी एकावर पोस्को अंतर्गत गुन्हा दाखल करण्यात आला आहे.

5 hours before

तलावात बुडून युवकाचा मृत्यू

बामणवाडी (ता.कराड) येथे जांभळा नावच्या शिवारात असलेल्या कृषि विभागाच्या पाजर तलावात युवकाचा बुडून मृत्यू झाला.

5 hours before

सातार्‍यातून ट्रॅक्टर, दोन दुचाकी चोरी

सातारा शहर परिसरातून अज्ञात चोरट्यांनी तीन ठिकठिकाणाहून ट्रॅक्टर व दोन दुचाकी चोरुन नेला असून याप्रकरणी शहर पोलिस ठाण्यात तीन गुन्हे दाखल झाले आहेत.

5 hours before