सातारा : एकाची सुमारे दहा लाखांची ऑनलाईन फसवणूक केल्याप्रकरणी अज्ञातावर कराड शहर पोलीस ठाण्यात गुन्हा नोंद करण्यात आला आहे.
याबाबत पोलिसांनी दिलेली माहिती अशी, दि. 9 मे रोजी सकाळी पावणे दहा ते दहा दरम्यान उत्तमराव महादेव चव्हाण रा. मलकापूर, कराड यांच्या मेल अकाउंट वर अज्ञाताने इन्कमटॅक्स रिफंड बाबतची माहिती पाठवली आणि चव्हाण यांच्याकडून त्यांच्या बँक अकाउंट ची व एटीएम नंबर ची माहिती घेऊन त्यांच्या खात्यातून सुमारे 9 लाख 93 हजार रुपये काढून घेतले आहेत. याबाबतची नोंद कराड शहर पोलीस ठाण्यात करण्यात आली असून अधिक तपास पोलीस निरीक्षक मारुती सरोटे करीत आहेत.