दिल्ली : मध्य प्रदेशातील दमोह जिल्ह्यात एका दलित कुटुंबातील 3 जणांची गोळ्या झाडून हत्या करण्यात आली आहे. त्याचवेळी एका जखमीला उपचारासाठी रुग्णालयात दाखल करण्यात आले आहे. गोळीबाराचा आरोप गावातील प्रतिष्ठितांवर आहे.

दमोहच्या देवरण गावात एका महिलेचा विनयभंग झाल्यामुळे दोन्ही कुटुंबात वाद झाला होता. हा वाद इतका वाढला की, मंगळवारी सकाळी आरोपींनी 60 वर्षीय अभिमानी अहिरवार, त्यांची पत्नी राजप्यारी आणि त्यांचा मुलगा मानक अहिरवार (30) यांची गोळ्या घालून हत्या केली.

मानक यांच्या भावालाही गोळी लागली असून, त्याला उपचारासाठी जिल्हा रुग्णालयात दाखल करण्यात आले आहे. या प्रकरणातील 6 आरोपी फरार आहेत. दमोहचे पोलीस अधीक्षक डी.आर. तेनिवार यांनी या प्रकरणाला दुजोरा दिला आहे.