08:47pm | Aug 11, 2022 |
पुसेगाव : शिक्षण हे वाघिणीचं दूध आहे व ते पिल्यावर विद्यार्थी गुरगुल्याशिवाय राहणार नाही, असं म्हटलं जाते. मात्र सर्व सोयींनीयुक्त शाळेची प्रशस्त इमारत असून देखील पुरेशा शिक्षकांच्या अभावामुळे शिक्षणच मिळत नसेल तर त्यांनी काय करायचे व जाब कोणाला विचारायचे, असा प्रश्न खटावच्या पश्चिमेला असलेल्या गादेवाडीच्या ग्रामस्थांना पडला आहे. लोकसहभागातून व अथक परिश्रमाने येथील जिल्हा परिषद शाळेचे सुमारे ६० लाख खर्चून उर भरून येईल असे रुपडे पालटले आहे. मात्र अपूरे शिक्षक असल्याने विद्यार्थ्यांचे प्रचंड नुकसान होत असल्याचा आरोप पालक वर्ग करत आहे.
खटावच्या पश्चिमेला दुर्गम भागात वसलेल्या गादेवाडी येथे जिल्हा परिषदेची शाळा असून ही शाळा पहिली ते सातवी पर्यंत आहे. मात्र सात वर्गांसाठी केवळ इनमिन तीन शिक्षक असून त्यातही शैक्षणिक कामकाजासाठी एका शिक्षकाचा वेळ तालुक्याच्या ठिकाणी जात असल्यामुळे दोनच शिक्षकांना सात वर्ग शिकवण्याची कसरत करावी लागते. त्यातही धक्कादायक बाब म्हणजे त्यातला एक शिक्षक आपला बहुतांश वेळ मोबाईलमध्येच घालवत असून मुलांच्या शिक्षणाची हेळसांड होत आहे. त्याचप्रमाणे सबंधित शिक्षक हे बऱ्याचदा शाळा भरल्यानंतर अर्धा ते पाऊण तास उशिरा शाळेत पोहोचत असल्याचा आरोप येथील पालक वर्ग करत असल्याने संबधित विभागाने लक्ष घालून समस्येचे निराकरण करावे, अशी मागणी पालक करीत आहेत.
एक काळ गावाला शाळेची इमारत नव्हती. गावाला अगदी अवकळा आली होती. गावातील चिमुकल्यांना दोन-दोन किलोमीटर बाहेर गावच्या शाळेत पायपीट करावी लागत होती. येथील संवेदनशील चाकरमानी व व्यावसायिकांच्या ही बाब लक्षात येताच शाळेची नव्याने उभारणी करण्याचा संकल्प करण्यात आला व काही काळातच ६० लाखांची टुमदार इमारत उभी राहिली. मात्र एवढी भारदस्त इमारत होऊन शाळेचा दर्जा कमालीचा घसरत चालल्यामुळे आपल्या मुलांचं उज्ज्वल भवितव्य चिंतणारे पालक आपल्या मुलांना दुसऱ्या गावातील शाळेत दाखल करू लागले आहेत. आजच्या घडीला पहिली ते सातवी पर्यंत केवळ ४२ विद्यार्थीच एवढ्या मोठ्या शाळेत राहिल्याचे येथील ग्रामपंचायत सदस्य बाबुराव जाधव यांनी सांगितले.
देशात मोठे षडयंत्र घडवले जाण्याची भीती |
हंबीरराव मोहिते यांच्या स्मृतिस्थळाला उदयनराजेंचे अभिवादन |
‘जैतुन’ |
पाच राष्ट्रीय मुद्यांवर मोदींनी उत्तर द्यावे: पृथ्वीराज चव्हाण |
कराडनगरीची ग्रामदैवता कृष्णाबाई यात्रा उत्साहात |
जिल्ह्यात उष्णतेच्या लाटने नागरिक हैराण! |
साताऱ्याच्या संग्रहालयात १४० पुरातन शस्त्रे |
मा. पंतप्रधान, भारत सरकार यांचे कराड येथे होणाऱ्या सभेकरीता पार्किंग, वाहतुक बदल |
धनगर समाजाचा श्रीमंत छत्रपती उदयनराजे भोंसले यांना जाहिर पाठिंबा |
चव्हाण साहेबांना भारतरत्न का दिला नाही? |
मारहाण प्रकरणी परस्पर विरोधी तक्रारी |
सातार्यात वृद्धाला दगडाने मारहाण |
सेव्हन स्टार सिनेमा परिसरात दोघांवर सत्तुरने वार |
कराडमध्ये उद्या पंतप्रधान नरेंद्र मोदी यांची तोफ धडाडणार |
पुनर्वसन कायदा माझ्या मागणीमुळे अस्तित्वात आला |
जिल्ह्यात उष्णतेच्या लाटने नागरिक हैराण! |
साताऱ्याच्या संग्रहालयात १४० पुरातन शस्त्रे |
मा. पंतप्रधान, भारत सरकार यांचे कराड येथे होणाऱ्या सभेकरीता पार्किंग, वाहतुक बदल |
धनगर समाजाचा श्रीमंत छत्रपती उदयनराजे भोंसले यांना जाहिर पाठिंबा |
चव्हाण साहेबांना भारतरत्न का दिला नाही? |
मारहाण प्रकरणी परस्पर विरोधी तक्रारी |
सातार्यात वृद्धाला दगडाने मारहाण |
सेव्हन स्टार सिनेमा परिसरात दोघांवर सत्तुरने वार |
कराडमध्ये उद्या पंतप्रधान नरेंद्र मोदी यांची तोफ धडाडणार |
पुनर्वसन कायदा माझ्या मागणीमुळे अस्तित्वात आला |
महायुतीचा संकल्पनामा छत्रपती शिवरायांच्या चरणी अर्पण |
किसन वीर साखर कारखान्यासाठी आमदार मकरंद पाटलांच्या पाठीशी : उदयनराजे भोसले |
देशाची सत्ता पुन्हा मागण्याचा नैतिक अधिकार मोदींना नाही |
जकातवाडीत सुमारे दीड लाखांची घरफोडी |
सुमारे साडेतीन लाखांच्या मुद्देमालाची चोरी |