सातारा : देशात लोकसभा निवडणुकीचे वारे वाहत आहे. असे असताना सातारा जिल्ह्यात लोकसभेसाठी कोणाला उमेदवारी द्यायची, तो निर्णय वरिष्ठ पातळीवर घेतला जाईल. सातारा लोकसभेची जागा प्रथमपासूनच राष्ट्रवादीकडे आहे. त्यांच्याकडूनच कोणाला उमेदवारी द्यायची, ते ठरणार आहे. सातारा जिल्हा हा देशाला दिशा देणारा जिल्हा आहे. त्यामुळे सातारा लोकसभा मतदारसंघ जातीयवादी विचारांच्या उन्मादींकडे कधीही जाऊ देणार नाही, असा निर्धार राज्याचे माजी मुख्यमंत्री तथा आमदार पृथ्वीराज चव्हाण यांनी कराड येथे बोलून दाखवला.
महाविकास आघाडीचा कोणीही उमेदवार असला तरी आम्ही ताकदीने तो उमेदवार निवडून आणणार आहोत, अशीही भूमिका त्यांनी आज स्पष्ट केली. काँग्रेसच्या कराड दक्षिण मतदारसंघातील कार्यकर्त्यांची बैठक आज घेण्यात आली. त्यानंतर माध्यमांशी ते बोलत होते. काँग्रेसचे सरचिटणीस अॅड. उदयसिंह पाटील-उंडाळकर, ओबीसी सेलचे प्रदेशाध्यक्ष भानुदास माळी, काँग्रेसचे जिल्हाध्यक्ष डॉ. सुरेश जाधव, कराड दक्षिणचे अध्यक्ष मनोहर शिंदे, प्रा. धनाजी काटकर यांच्यासह मान्यवर उपस्थित होते.
सांगलीच्या महाविकास आघाडीच्या जागेवरून वाद सुरू आहेत. त्यावर ते म्हणाले, ‘‘सांगलीची जागा काँग्रेस पक्षाला मिळावी, ही तेथील काँग्रेसच्या पदाधिकाऱ्यांची आग्रही मागणी आहे. शिवसेनेनेही तेथे मागणी केली आहे. वरिष्ठ पातळीवर दिल्लीला त्यासंदर्भात चर्चा सुरू आहे. त्यातून योग्य निर्णय होईल.’’ महाविकास आघाडीतून वंचित बाहेर पडले आहे, असे खासदार संजय राऊत म्हणत आहेत. त्यावर आमदार चव्हाण म्हणाले, ‘‘वंचित आघाडीने ठराविक ठिकाणी महाविकास आघाडीला पाठिंबा देण्याची भूमिका घेतली आहे. पंतप्रधान नरेंद्र मोदींच्या विरोधातील जी मते आहेत, त्याची विभागणी होऊ नये, यासाठी आमचे प्रयत्न सुरू होते. मात्र, ते होताना दिसत नाहीत.’’
साताऱ्याच्या जागेबाबत आमदार चव्हाण म्हणाले, ‘‘महाविकास आघाडीतून कोणाला उमेदवारी द्यायची, तो निर्णय वरिष्ठ पातळीवर होईल. साताऱ्याची जागा राष्ट्रवादी काँग्रेसकडे आहे. त्यांच्याकडून उमेदवार ठरवण्याचे काम सुरू आहे. जातीयवादी विचाराकडे कधीही सातारा लोकसभेची जागा गेलेली नाही आणि आम्ही ती जाऊनही देणार नाही, असा निर्धार केल्याचे आमदार चव्हाण यांनी जाहीर केले. महाविकास आघाडीचा उमेदवार आम्ही ताकदीने निवडून आणणार आहोत, असेही ते म्हणाले.
सातारा लोकसभा मतदारसंघातून आमदार पृथ्वीराज चव्हाण यांना उमेदवारी द्यावी, अशी मागणी काँग्रेसच्या ओबीसी सेलचे प्रदेशाध्यक्ष भानुदास माळी व जिल्हाध्यक्ष डॉ. सुरेश जाधव यांनी केली. या वेळी त्यांनी बाबांची स्वच्छ प्रतिमा आहे. देशाच्या प्रश्नांची त्यांना जाण आहे. त्यांच्याविरोधात कोणीही उभे राहिले तरी तो निवडून येणार नाही. त्यामुळे काँग्रेसकडून त्यांना लोकसभा निवडणूक उमेदवार म्हणून संधी द्यावी, अशी आमची मागणी असल्याचे त्यांनी सांगितले.
डोक्यात दगड घालून झालेल्या खुनाची केवळ दोन तासात उकल |
जिल्ह्यात तिसर्या टप्प्यातील प्रचाराच्या तोफा थंडावल्या |
श्री. छ. उदयनराजेंसारखा सच्चा पुरोगामी वारसदार निवडून येणे काळाची गरज |
उदयनराजे तुतारीची पिपाणी करतील |
उदयनराजेंना निवडून द्या..कामाचं आमच्यावर सोडा |
विषारी औषध पिल्याने महिलेचा मृत्यू |
गुलाल टाकल्यावरुन सहा जणांकडून मारहाण |
साताऱ्यातून तिघेजण बेपत्ता |
अजिंक्यतारा येथून दुचाकीची चोरी |
मारामारीप्रकरणी सहा युवकांवर गुन्हा |
दलित-मुस्लिमच ठरवणार सातारचा खासदार ! |
रामवरदायिनी देवीच्या यात्रेस पार येथे प्रारंभ |
पाटण विधानसभा मतदार संघातील मतदार टाकणार मतदानावर बहिष्कार |
शाहूपुरीसह हद्दवाढीतील भागाचा चौफेर विकास करणार : उदयनराजे भोसले |
ईपीएस 95 पेन्शनर्स संघटनेनचा उदयनराजेंना पाठिंबा |
विषारी औषध पिल्याने महिलेचा मृत्यू |
गुलाल टाकल्यावरुन सहा जणांकडून मारहाण |
साताऱ्यातून तिघेजण बेपत्ता |
अजिंक्यतारा येथून दुचाकीची चोरी |
मारामारीप्रकरणी सहा युवकांवर गुन्हा |
दलित-मुस्लिमच ठरवणार सातारचा खासदार ! |
रामवरदायिनी देवीच्या यात्रेस पार येथे प्रारंभ |
पाटण विधानसभा मतदार संघातील मतदार टाकणार मतदानावर बहिष्कार |
शाहूपुरीसह हद्दवाढीतील भागाचा चौफेर विकास करणार : उदयनराजे भोसले |
ईपीएस 95 पेन्शनर्स संघटनेनचा उदयनराजेंना पाठिंबा |
भाजप कामगार मोर्चाची लाखभर मते उदयनराजेंच्या मागे : हरगुडे |
महाभकास आघाडीला घरी बसवा |
सदरबझारमधील कॅनॉल बंदिस्त करणार |
छत्रपतींच्या गादीवर फुले पडतील |
रामोशी समाजाच्या उत्कर्षासाठी प्रयत्न करणार : उदयनराजे भोसले |