केळघर :  सातारा येथील युनिफाईड वेल्फेअर असोसिएशन तर्फे जिल्हा अंतर्गत जिल्हास्तरीय युनिफाईट स्पर्धाचे आयोजन वाई तालुक्यातील कवठे येथील पद्मावती मंगल कार्यालय येथे करण्यात आले होते. या स्पर्धेमध्ये पाचवड येथील तिरंगा इंग्लिश स्कूल येथील विद्यार्थ्यांनी 10 गोल्ड, 11 सिल्वर आणि 6 ब्रांझ मेडल्स मिळवत भरगोस यश मिळवले आहे. तिरंगा स्कुलच्या विद्यार्थ्यांची राज्यस्तरीय स्पर्धेसाठी निवड करण्यात आलेली आहे. 
या स्पर्धेवेळी जि. प. सदस्य संदीप शिंदे, वाई पंचायत समिती उपसभापती अनिल जगताप, राज्य अध्यक्ष संतोष खंदारे, तिरंगा इंग्लिश स्कूल चे संस्थापक आणि सचिव जयवंत पवार, प्रिन्सिपल वनिता पवार, वैशाली कुंभार, क्रीडा शिक्षक गणेश शिंदे यांनी सर्व स्पर्धकांचे बक्षिसे देऊन अभिनंदन केले.